२०८२ भाद्र ९ गते सोमवार
२०८२ भाद्र ९ गते सोमवार
काठमाडौं । ललितपुर सिटी एफसीले आफ्नो खेल हेर्न चाहने दर्शकका लागि ५०० वटा टिकट निःशुल्क बाड्ने भएको छ । ललितपुरले नेपाल सुपर लिग (एनएसएल)मा आज (बुधबार) पोखरा थन्डर्सविरुद्ध खेल्दै छ ।
त्रिपुरेश्वरस्थित दशरथ रंगशालामा साँझ ५ः३० बजेदेखि हुने खेलका लागि ललितपुरले ५०० टिकट बाड्ने भएको हो । ललितपुरले सामाजिक सञ्जालमा टिकट लिन चाहनेहरूले दिउँसो ४ः३० बजेसम्म घान्द्रुक नेपाली क्विजिन र पेपे पिज्जाबाट लिन सकिने जनाएको छ ।
आज ललितपुर र पोखरा दुवै टिम लगातार दोस्रो जितको खोजीमा छन् । यसअघि प्रतियोगिताको पहिलो खेलमा ललितपुरले बुटवल लुम्बिनी एफसविरुद्ध २–० को जित निकालेको थियो । पोखराले पहिलो खेलमा एफसी चितवनलाई १–० ले हराएको थियो ।
प्रतियोगितामा एक खेलबाट समान तीन अंक जोडेको ललितपुर तालिकाको दोस्रो र पोखरा चौथो स्थानमा छन् ।
© 2025 All right reserved to khabarcnter.com | Site By : Sobij
