२०८२ भाद्र २ गते सोमवार
२०८२ भाद्र २ गते सोमवार
काठमाडौं । नेपालको नर्सिङ क्षेत्रमा देखिएको समस्या समाधान गर्न संकल्प सहित सरकार अगाडि बढेको प्रधानमन्त्री पुष्पकमल दाहाल प्रचण्डले बताएका छन् ।
स्वास्थ्य मन्त्रालयमा आयोजित कार्यक्रमलाई सम्बोधन गर्दै उनले उक्त कुरा बताएका हुन् । नर्सिङ क्षेत्रमा देखिएको समस्या आफूले अग्निपरिक्षको रूपमा लिएको भन्दै उनले नीतिगत सुधार गरी समस्या समाधान गर्ने प्रतिवद्धता जनाए ।
‘नर्सिङ क्षेत्रमा जुन समस्या देखिएको छ, त्यसलाई अग्निपरिक्षाका रूपमा लिएको छु । नीतिगत सुधार गरी नर्सिङ सेवामा देखिएका समस्या समाधान गर्ने संकल्प गरेको छु’, उनले भने ।
त्यस्तै प्रधानमन्त्रीले सिमावर्ती क्षेत्रका नर्सहरू अर्को देशमा गएर पढ्ने, तालिम लिने र उतै पलायन हुने समस्याले स्वास्थ्य मन्त्रालय, सरकारमाथि ठूलो प्रश्न उठेको बताए ।
संविधानमा व्यवस्था गरेको बमोजिम शिक्षा, स्वास्थ्य, रोजगारी, खाद्यसम्प्रभुतामा नागरिकलाई सुविधान दिन नसकेको स्वीकार गरे । अब सामाजिक न्याय, सुशासन, समृद्धि सहित सरकार नयाँ यात्रामा लागेको उनले जिकिर गरे ।
© 2025 All right reserved to khabarcnter.com | Site By : Sobij
