२०८२ कार्तिक १४ गते शुक्रवार
२०८२ कार्तिक १४ गते शुक्रवार
काठमाडौँ । नेपाली कांग्रेसका केन्द्रीय सदस्य एवं पूर्वमन्त्री नवीन्द्रराज जोशीलाई मस्तिष्कघात भएपछि उनको अप्रेसन सफलता पूर्वक सकिएको छ ।
जोशीका सहयोगी शुशान्त आचार्यका अनुसार अप्रेसनपछि उनलाई नर्भिक अस्पतालको आईसीयूमा राखिएको छ। जोशीलाई गए राति मस्तिष्कघात भएको हो।
शरीरको देब्रेपट्टी समस्या देखिएपछि उनलाई राति नै वीर अस्पताल लगिएको थियो । त्यस लगत्तै उनलाई राति २ बजेर ४० मिनेटमा थापाथलीस्थित नर्भिक अस्पताल लगिएको थियो ।
चिकित्सकले मस्तिष्कमा रगत जमेको बताएपछि आज बिहान शल्यक्रिया भएको उनका सहयोगी सुशान्त आचार्यले केन्द्रबिन्दुलाई बताए ।
उनको अवस्था सुधारोन्मुख नै रहेको भए पनि केही दिन अस्पतालमै राख्नु पर्ने चिकित्सकहरुले बताएको आचार्यले जानकारी दिए ।
© 2025 All right reserved to khabarcnter.com | Site By : Sobij
