२०८२ पौष ११ गते शुक्रवार
२०८२ पौष ११ गते शुक्रवार
काठमाडौँ । अरुण भ्याली हाइड्रोपावर डेभलपमेन्ट कम्पनी लिमिटेडले असार ७ गते बिहिबार विशेष साधारण सभा गर्ने भएको छ । कम्पनीको जेठ २१ गते बसेको समितिको बैठकले सभाको मिति र स्थान तय गरेको हो । सभा नयाँ बानेश्वर स्थित इन्द्रेणी कम्प्लेक्समा बिहान ११ बजेकाट सुरु गर्ने कम्पनीले जनाएको छ ।
सभाले लिखु खोला जलविद्युत आयोजनामा लगानी गर्न र काबेली बी १ क्यासकेड जलविद्युत आयोजनाको ऋण भुक्तानीका लागि १ः१ अनुपातमा हकप्रद शेयर निष्काशन गर्ने, हकप्रद शेयर वितरण पश्चात् कम्पनीको अधिकृत, जारी तथा चुक्ता पूँजी बृद्धि हुने भएकाले कम्पनीको प्रबन्धपत्र तथा नियमावलीका आवश्यक दफाहरु संशोधन गर्ने प्रस्ताव पारित गर्नेछ ।
सभाले हकप्रद शेयर जारी गर्ने कार्य गर्दा विद्युत नियमन आयोग, नेपाल धितोपत्र बोर्ड, नेपाल स्टक एक्सचेन्ज लिमिटेड, कम्पनी रजिष्टारको कार्यालय लगायत नियमनकारी निकायमा आवश्यक कार्य गर्न कम्पनीको सञ्चालक समितिलाई अख्तियारी प्रदान गर्ने छ ।
सभाले कम्पनीको नियमावली तथा प्रबन्धपत्रमा आवश्यक संशोधन गरि कम्पनी रजिष्ट्रारको कार्यालयबाट स्विकृत लिने क्रममा आवश्यक थपघट वा परिमार्जन गर्नु परेमा सो गर्न सञ्चालक समितिलाई अख्तियारी प्रदान गर्ने लगायतका प्रस्ताव पारित गर्नेछ ।
कम्पनीले विशेष साधारणसभा प्रयोजनको लागि जेठ ३० गते बुक क्लोज गर्ने निर्णय गरेको छ । जेठ २९ गतेसम्म कायम शेयरधनीले मात्र विशेष साधारणसभामा भाग लिन सक्ने छन् ।
© 2025 All right reserved to khabarcnter.com | Site By : Sobij
