२०८२ पौष ७ गते सोमवार
२०८२ पौष ७ गते सोमवार
काठमाडौं । साताको अन्तिम कारोबार दिन बिहीवार शेयर कारोबार बन्द हुने भएको छ । बिहीवार ग्याल्बो ल्होसार पर्व परेकाले सरकारले सार्वजनिक विदा दिएसँगै नेप्से पनि बन्द हुने भएको हो ।
अब शेयर बजार आइतवार बिहान ११ बजे खुल्नेछ । गत मंगलवार महाशिवरात्री पर्व परेकोले उक्त दिन पनि बजार बन्द भएको थियो ।
यो साता शेयर कारोबार आइतवार, सोमवार र बुधवार तीन दिन मात्र भएको छ । उक्त तीन दिन नै बजार भने घटेको छ ।
साताको तेस्रो कारोबार दिन बुधवार नेप्से परिसूचक ६३ दशमलव ५४ अंक अर्थात् २ दशलमव ४३ प्रतिशत घटेर २ हजार ५४७ दशलमव शून्य ४ विन्दुमा झरेको छ ।
उक्त दिन कारोबारमा आएका २२८ ओटा धितोपत्रको रू. ३ अर्ब ६२ करोड ११ लाख ४३ हजार ९७९ बराबरको शेयर खरीदविक्री भएको थियो ।
© 2025 All right reserved to khabarcnter.com | Site By : Sobij
