२०८२ भाद्र ११ गते बुधवार
२०८२ भाद्र ११ गते बुधवार
काठमाडौं । मोटरसाइकल चोरी गर्ने २ जनालाई मोटरसाईकलसहित महानगरीय ट्राफिक प्रहरी महाशाखाले पक्राउ गरेको छ ।
पीडित सहायता ईकाइबाट सादा पोसाकमा खटिएको ट्राफिक प्रहरी टोलीले नयाँबजारस्थित सडक खण्डबाट आयुष थापा मगर र बालाजुस्थित सडक-खण्डबाट रोशन लामिछाने सवार गरीरहेको मोटरसाईकलसहित आईतबार पक्राउ गरेको जानकारी ट्राफिक महाशाखाका प्रमुख प्रहरी वरिष्ठ उपरीक्षक जनक भट्टराईले दिए ।
नयाँबजार सडकखण्डबाट धादिङ्गको त्रिपुरासून्दरी गाउँपालिका वडा नं-५ चैनपुर बस्ने २२ वर्षीय मगरलाई प्रदेश ३-०२-००८ प २६०७ नम्वरको मोटरसाईकलसहित पक्राउ गरिएको महाशाखाले जनाएको छ । अनुसन्धानको क्रममा उक्त मोटरसाईकलको वास्तविक नं लु ५२ प ७३३५ खुल्न आएको छ ।
उक्त नम्वरको मोटरसाइकल एक वर्षअघि काठमाडौँको ठमेलस्थित भगवानबाहालबाट हराएको थियो । त्यस्तै, काठमाडौ बालाजु सडकखण्डबाट दोलखाको भिमेश्वनर नगरपालिका वडा नं. ३ भिमफेदी घर भई हाल रानिवन बस्ने २४ वर्षीय लामिछानेलाई बागमती प्रदेश ०२-०१७ प ३४४७ नम्वरको मोटरसाइकलसहित पक्राउ गरिएको हो । उक्त नम्वरको मोटरसाईकल मंसिर १४ गते बनस्थलीबाट हराएको थियो ।
© 2025 All right reserved to khabarcnter.com | Site By : Sobij
