२०८२ भाद्र १० गते मंगलवार
२०८२ भाद्र १० गते मंगलवार
काठमाडौं । बाँकेको नरैनापुर गाउँपालिकामा मलेरियाको प्रकोप देखिएपछि नियन्त्रणका कार्यक्रम लिएर इपिडिमियोलोजी तथा रोग नियन्त्रण महाशाखाका निर्देशकसहितको टोली पुगेको छ ।
छोटो समयमा धेरै जनामा संक्रमण देखिएपछि निरीक्षण तथा नियन्त्रणका कार्यक्रमसहित नरैनापुर पुगेको महाशाखाका निर्देशक डा. कृष्णप्रसाद पौडेलले बताए । साउनयता नरैनापुरमा ४५ जनामा मलेरिया संक्रमण देखिएको छ, जसमध्ये २ नम्बर वडामा मात्रै ३० जना संक्रमित भएका छन् ।
मलेरिया नियन्त्रणका लागि झुल वितरण, भारतमा आवतजावत गर्नेहरूका लागि सचेतना, विद्यालयमार्फत् जनचेतनालगायतका कार्यक्रम लिएर आफूहरू त्यहाँ पुगेको निर्देशक पौडेलले जानकारी दिए ।
© 2025 All right reserved to khabarcnter.com | Site By : Sobij
