२०८२ माघ १५ गते बिहिवार
२०८२ माघ १५ गते बिहिवार
नेपालमा गिरिजाप्रसाद कोइराला र सूर्यबहादुर थापाले मात्रै पाँचौपटक नेपालको प्रधानमन्त्री बन्ने अवसर पाएका थिए । उनै कोइराला र थापाको कीर्तिमानसँग बराबरी गर्दै शेरबहादुर देउवा पनि पाँचौपटक प्रधानमन्त्री बन्न सफल भएका हुन् ।
गत निर्वाचनमा नमिठो पराजय बेहोरेर प्रत्यक्षमा जम्मा २३ सिट जितेको कांग्रेसलाई नेकपा हुँदै एमालेको झगडाले अन्ततः प्रधानमन्त्रीको कुर्सी नै दिलाएको हो ।
यस अघि २०५२, २०५८, २०६१ पछि २०७४ सालमा देउवा चारपटक प्रधानमन्त्री बनेका थिए । नेकपाको दुई तिहाईको सत्ता आफ्नै घरझगडाले ढलेपछि देउवाले पाँचौपटक प्रधानमन्त्री हुने अवसर पाएका हुन् ।
प्रधानमन्त्री केपी ओलीले गरेको प्रतिनिधिसभा विघटनलाई असंवैधानिक भन्दै बहुमत पुर्याएका देउवालाई प्रधानमन्त्री बनाउन सर्वोच्चदले परमादेश दिएकाे हाे । यसपछि देउवा प्रधानमन्त्री बनेका हुन् । अदालतकाे परमादेशपछि पाँचौपटक गिरिजाप्रसाद कोइराला र सूर्यबहादुर थापासँगै देउवाले बराबरीसमेत गरेका छन् ।
गिरिजा पहिलोपटक वि.सं.२०४८ देखि २०५१, दोस्रोपटक वि.सं. २०५४ देखि २०५५, तेस्रोपटक वि.सं. २०५५ देखि २०५६, चौथोपटक वि.सं. २०५६ देखि २०५८ र दोस्रो जनआन्दोलनपछि वि.सं. २०६३ देखि २०६५ सालसम्म पाँचौपटक प्रधानमन्त्री भएका थिए ।
सूर्यबहादुर थापा पनि पाँचपटक प्रधानमन्त्री
स्वर्गीय राप्रपाका नेता सूर्यबहादुर थापा पनि पञ्चातय र बहुदलमा गरी पाँचपटक प्रधानमन्त्री भएका छन् ।
पहिलोपटक थापा वि.सं. २०२१ देखि २०२३ सम्म मन्त्रिपरिषद्का अध्यक्ष बनेका थिए । त्यसपछि वि.सं. २०२३ देखि २०२५ सम्म, वि.सं. २०३६ देखि २०४० सम्म पञ्चातकालमा प्रधानमन्त्री बने । बहुदलपछि वि.सं. २०५४ सालमा र २०६० देखि २०६१ सालसम्म थापा प्रधानमन्त्री बनेका थिए ।
राप्रपा नेता लोकेन्द्रबहादुर चन्द पनि पञ्चायतकाल र बहुमतमा गरी चारपटक नेपालको प्रधानमन्त्र बनेका थिए । पञ्चायतकालमा वि.स.२०४० देखि २०४२ र वि.सं. २०४६ – २०४७ सम्म प्रधानमन्त्री बनेका थिए । बहुदल आएपछि वि.सं. २०५३ देखि २०५४ र वि.सं. २०५९ देखि २०६० सालसम्म चन्द प्रधानमन्त्री बनेका थिए ।
© 2026 All right reserved to khabarcnter.com | Site By : Sobij
