२०८२ माघ १३ गते मंगलवार
२०८२ माघ १३ गते मंगलवार
काठमाडौं । आगामी बैशाखमा सशस्त्र प्रहरीको महानिरीक्षक बन्ने बाटो मुख्यसचिवले रोकिदिए पछि सशस्त्र प्रहरी नायव महानिरीक्षक (डिआईजी) प्रविणकुमार श्रेष्ठको अनिवार्य अवकाश भएको छ । हिजो रातिबाट उनी अनिवार्य अवकाशमा गएका हुन् ।
सशस्त्र प्रहरी नियमावली, २०७२ अनुसार चार वर्षे डिआईजीको कार्याकाल पूरा गरेर उनी अनिवार्य अवकाशमा गएका हुन् । चार वर्षे कार्यकाल भए पनि सशस्त्र हेडक्वाटरको सिफारिसमा १ वर्षे कार्यकाल थप गर्न सकिने प्रावधान छ । सोही अनुसार १ वर्ष थप गर्न भन्दै मंगलबार दिनभर प्रयास भए पनि म्याद थप नभएको गृह स्रोतले जानकारी दियो ।
विभागीय मन्त्री नै नभएकोले म्याद थपका लागि आफूले हस्ताक्षर नगर्ने भन्दै मुख्य सचिव शंकरदास बैरागीले हस्ताक्षर नगरेपछि डिआईजी श्रेष्ठको म्याद थप नभएको गृह स्रोतले जानकारी दियो ।
सोमबार बसेको मन्त्रिपरिषद बैठकले पनि डिआईजी श्रेष्ठको म्याद थप गरेको थिएन । त्यसपछि मंगलबार म्याद थपका लागि विभिन्न प्रयास गरिएको भएपनि हुन नसकेको स्रोतको भनाइ छ । योसँगै श्रेष्ठ मंगलबार राति १२ बजेबाट अनिवार्य अवकाशमा गएका छन् ।
उनी नम्बर ७ बाहिनीका बाहिनीपति थिए। म्याद थप भएको अवस्थामा श्रेष्ठ सशस्त्रको नेतृत्वमासमेत पुग्थे । हालका आइजी शैलेन्द्र खनाल आगामी चैतको अन्तिम साता अवकाशमा गएपछि एक महिना पुष्पराम केसी आइजी बन्ने बाटो खुल्छ। म्याद थप भएको भए केसीपछिको सशस्त्र नेतृत्वमा श्रेष्ठ पुग्थे । उनको योजना चकनाचुर भएको छ । आइजीपी बन्न भारतीय दूताबास छिर्ने गरे पनि श्रेष्ठको प्रयास त्यतिकै खेर गरेको उनी निकटले बताउन थालेका छन् ।
श्रेष्ठ ०७६ सालको ६ मंसिरमा बा २ झ २३९० नम्बरको सरकारी गाडी लिएर लैनचौरस्थित भारतीय दूतावास पुगेपछि छानविनमा परेका थिए । उनलाई त्यो बेला कारवाही समेत भएको थियो । यद्यपी श्रेष्ठले आफु पारिवारीक कामका लागि दूतावास गएको बताएमा थिए । विरोधीले पदावधी थपको बेला दूतावासको विषयलाई समेत उचालेको उनि निकट स्रोत बताउँछ ।
© 2026 All right reserved to khabarcnter.com | Site By : Sobij
