२०८२ चैत्र ५ गते बिहिवार
२०८२ चैत्र ५ गते बिहिवार
काठमाडौं । अपि पावर कम्पनी लिमिटेडले जेठ २० गतेदेखि निष्काशन तथा बिक्री खुला गरेको हकप्रद शेयरमा आवेदन दिने समय लम्बाइएको छ ।
कम्पनीको हकप्रद शेयरमा अब असार १३ गतेसम्म आवेदन दिन सकिनेछ । जेठ २० गतेदेखि बिक्री खुल्ला भएको हकप्रदमा यसअघि असार ९ गते बुधबारसम्म आवेदन दिन सकिने व्यवस्था रहेको थियो ।
कम्पनीले बैशाख २८ गतेसम्म नेप्सेमा कारोबार भई कायम शेयरधनीहरुका लागि जेठ २० गतेदेखि १ बराबर ०.२९३८ कित्ता अनुपातमा प्रतिशेयर १०० रूपैयाँ अंकित दरमा ५६ लाख ७० हजार कित्ता हकप्रद शेयर निष्काशन तथा बिक्री खुल्ला गरेको हो ।
हकप्रदमा मेरो शेयरको वेवसाइट तथा मोबाइल एप तथा अपि पावर कम्पनी लिमिटेडको कैनद्रीय कार्यालय थापाथली, बिक्री प्रबन्धक मुक्तिनाथ क्यापिटल कमलादी, तथा मुक्तिनाथ बैंकका इटहरी, पोखरा, नारायणगढ, सुर्खेत, नेपालगञ्ज, धनगढी र जनकपुरबाट आवेदन दिन सक्नेछन् ।
कम्पनीको हकप्रद शेयर निष्काशन तथा बिक्री प्रबन्धक मुक्तिनाथ क्यापिटल रहेको छ ।
© 2026 All right reserved to khabarcnter.com | Site By : Sobij
