२०८२ भाद्र १० गते मंगलवार
२०८२ भाद्र १० गते मंगलवार
नेपाल प्रहरीको साइबर अनुसन्धान ब्युरोले सर्भर ह्याक गरेर सामाजिक सञ्जालमा सूचना सार्वजनिक गर्ने एक जनालाई पक्राउ गरेको छ ।
काठमाडौंस्थित फुडमाण्डुको सर्भर ह्याक गरे सामाजिक सञ्जालमा सूचना सार्वजनिक गरेको अभियोगमा १९ वर्षीय दिनेश तिवारीलाई साइबर ब्युरोले पक्राउ गरेको हो ।
साइबर ब्युरोका एसएसपी नवीन अर्यालका अनुसार फुडमाण्डुले दिएको उजुरीपछि अदालतबाट अनुमति दिएर हिजो बेलुका काठमाडौंबाट पक्राउ गरिएको हो ।
फुडमाण्डुले आफ्नो सर्भर ह्याक गरी त्यहाँभित्रका व्यक्तिगत सूचना सामाजिक सञ्जालमा सार्वजनिक गरेको भन्दै अनुसन्धानका लागि साइबर ब्युरोमा उजुरी दिएको थियो । पक्राउ परेका तिवारीमाथि अनुसन्धान भइरहेको एसएसपी अर्यालले जानकारी दिए ।
© 2025 All right reserved to khabarcnter.com | Site By : Sobij
