देउवा समूहले सक्यो १० जिल्लामा अधिवेशन

कार्तिक ११, २०८३ बुधवार

127

काठमाडौं । समानान्तर महाधिवेशन गर्न लागेको नेपाली कांग्रेसको निवर्तमान सभापति शेरबहादुर देउवा समूहले १० वटा जिल्लामा अधिवेशन सम्पन्न गरेको छ ।

समूहको सम्पर्क कार्यालय चुनदेवीका अनुसार अहिलेसम्म १० जिल्लामा अधिवेशन सम्पन्न भइसकेको छ ।

कार्यालयका अनुसार सङ्खुवासभामा रामकुमार जिमी, डोल्पामा देउप्रसाद बुढा, हुम्लामा सूर्यबहादुर शाही, जुम्लामा नेत्रकला शाही, मुगुमा तिलक मल्ल, रुकुम पश्चिममा नन्दबहादुर विष्ट, कालिकोटमा नगेन्द्र विष्ट, डोटीमा बाजिसिंह खड्का (विजय), बैतडीमा वीरबहादुर विष्ट र रोल्पामा मानबहादुर खत्री अधिवेशनबाट सभापति चुनिएका छन्।

आगामी मंसिर २१ देखि २३ गतेसम्म महाधिवेशन गर्ने गरी कार्यतालिका ल्याएको समूहले कात्तिक ३० गतेसम्म जिल्ला अधिवेशन सक्ने कार्यसूची रहेको नेता एनपी साउदले जानकारी दिए ।

प्रकाशित मिति :कार्तिक ११ २०८३ बुधवार - १६:३१:२१ बजे

प्रतिक्रिया