२०८३ आश्विन १३ गते मंगलवार
२०८३ आश्विन १३ गते मंगलवार
.gif)
काठमाडौं । अविरल वर्षापछि आएको बाढी र पहिरोका कारण बीपी राजमार्ग पूर्ण रूपमा अवरुद्ध भएपछि पूर्वतर्फ जाने सवारीसाधनलाई धुलिखेलमा ‘होल्ड’ गरिएको छ ।
वर्षाका कारण राजमार्गका विभिन्न स्थानमा पहिरो र लेदो खस्नुका साथै रोशी खोलाले सडक कटान गरेपछि यातायात ठप्प भएको जिल्ला प्रहरी कार्यालय काभ्रेका प्रमुख एसपी रविन कार्कीले जानकारी दिए । उनका अनुसार काठमाडौंबाट धुलिखेल हुँदै पूर्वतर्फ जाने सवारीसाधनलाई धुलिखेल चोकमै रोकिएको छ ।
प्रहरीका अनुसार नमोबुद्ध–६ चौकीडाँडा, रोशी–७ चारसयवेशी, रोशी–८ गिम्दीवेशी र रोशी–११ माम्तीमा पहिरो खसेपछि राजमार्ग अवरुद्ध भएको हो । चौकीडाँडामा रोशी खोलाले डाइभर्सनसमेत कटान गरेको प्रहरीले जनाएको छ ।
वर्षा अझै जारी रहेकाले पहिरो हटाउन समय लाग्न सक्ने प्रहरीले जनाएको छ । यात्रुलाई सडकको पछिल्लो अवस्थाबारे जानकारी लिएर मात्र यात्रा गर्न प्रहरीले आग्रह गरेको छ ।
बीपी राजमार्ग अवरुद्ध भएपछि काभ्रेभञ्ज्याङ र भकुण्डे क्षेत्रमा समेत सवारीसाधन रोकिएको प्रहरीले जनाएको छ ।
© 2026 All right reserved to khabarcnter.com | Site By : Sobij
