२०८३ आश्विन १३ गते मंगलवार
२०८३ आश्विन १३ गते मंगलवार
.gif)
काठमाडौं । एनएमबि बैंकले नयाँ विद्युतीय सवारीका लागि आधार दरमा ०.५ प्रतिशत थप ब्याजमा ‘इभी अटो कर्जा’ दिने
काठमाडौं । एनएमबि बैंक लिमिटेडले नयाँ विद्युतीय सवारी साधन खरिद गर्ने ग्राहकलाई लक्षित गर्दै विशेष कर्जा योजना सार्वजनिक गरेको छ । बैंकले नाइमा अटो एक्स्पोलाई लक्षित गरी नयाँ विद्युतीय सवारीका लागि आधार दरमा ०.५ प्रतिशत थप हुने गरी ‘इभी अटो कर्जा’ सुविधा ल्याएको हो ।
वातावरणमैत्री यातायात तथा दिगो बैंकिङलाई प्रवद्र्धन गर्ने उद्देश्यले बैंकले किफायती ब्याजदरमा उक्त कर्जा योजना ल्याएको जनाएको छ । बैंकका अनुसार सीमित अवधिका लागि उपलब्ध हुने यो कर्जा सुविधा नयाँ विद्युतीय सवारी खरिद गर्ने ग्राहकले सरल र छिटो प्रक्रियामार्फत प्राप्त गर्न सक्नेछन् ।
कर्जा लिन इच्छुक ग्राहकले एक्स्पोमा रहेको एनएमबि बैंकको स्टल वा देशभर रहेका बैंकका शाखामार्फत आवेदन दिन सक्नेछन् । एनएमबि बैंकले हाल देशभर १९८ वटा शाखा, १७६ वटा एटिएम तथा ९ वटा एक्सटेन्सन काउन्टरमार्फत बैंकिङ सेवा प्रदान गर्दै आएको जनाएको छ ।
© 2026 All right reserved to khabarcnter.com | Site By : Sobij
