२०८३ आश्विन २ गते शुक्रवार
२०८३ आश्विन २ गते शुक्रवार
.gif)
काठमाडौं । नेकपा (एमाले)का अध्यक्ष केपी शर्मा ओलीले २०५८ जेठ १९ गते राजा वीरेन्द्र शाहको वंशनाश हुने गरी भएको नारायणहिटी दरबार हत्याकाण्ड दीपेन्द्र शाहले नगरेको जिकिर गरेका छन् ।
शुक्रवार पार्टी कार्यालय च्यासलमा आयोजित एक कार्यक्रममा बोल्दै उनले यस्तो दाबी गरेका हुन् । आफ्ना आमाबुवासहित सबै परिवार नै सखाप बनाउने गरी दीपेन्द्रले दरबार हत्याकाण्ड गरी आत्महत्या गरेको भनि विश्वव्यापी रुपमा फैलाइएको हल्लामा कुनै सत्यता नरहेको उनको भनाइ छ ।
उनले दरबार हत्यकाण्डलाई दीपेन्द्रको प्रेमसँग जोडेर रेडिमेड कथा विश्वव्यापी रुपमा फैल्याइएको बताएका छन्। उनले दरबार हत्यकाण्ड कसले ग¥यो ? भन्नेकुरा अझै खुल्न नसकेको बताएका छन् ।
उनले भने, ‘२०५८ साल जेठ १९ गते दरबार हत्याकाण्ड भयो । दरबार हत्याकाण्ड हुने वित्तिकै विश्वव्यापी रुपमा एउटा फैलियो, फलानो फलानोको लभ थियो, त्यो लभमा यस्तो भएको थियो, एउटा यस्तो रेडिमेड स्टोरी र दीपेन्द्र युवराज दीपेन्द्रले बाबु, आमा, भाई, बहिनी, काका, काकीसहित वंशनाश गरेर आफूले पनि आत्महत्या गरे भन्ने एउटा रेडिमेड कथा विश्वव्यापी रुपमा पु¥यइयो । २०औँ वर्ष त्यसले एकछत्र त्यो गलत सूचनाले राज ग¥यो । सही सूचना के हो अझै थाहा छैन । बिना अध्ययन त्यो कथाको रचनाकार को हो ? त्यो पनि थाहा छैन । त्यो कथाको मूल वाचक को हो ? त्यो पनि थाहा छैन । तर एउटा कथा रचना भया र वाचन गरियो । त्यो एकैचोटी विश्वव्यापी रुपमा फैलियो । सबै विश्वका प्रमुख सञ्चार माध्यमहरुले त्यत्रो विशाल घटनाको सन्दर्भमा किञ्चित बुझ्नुपर्ने चासो राख्नुपर्ने कुरा केही ठानेनन् । बरु त्यही अफवाह बोकेर हिँड्न किन आवश्यक ठाने त्यो पनि अनौठो कुरा छ । वास्तवमा त्यो सूचना सही होइन ।’
© 2026 All right reserved to khabarcnter.com | Site By : Sobij
