२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । कान्तिपुरको गेट अगाडि पार्किङ गरेर छाडिएको गाडी रास्वपा नेताको रहेको खुलेको छ। सो गाडी केन्द्रीय अनुसन्धान तथा अभिलेखीकरण विभागका पूर्व सदस्य रवि जयसवालको भएको पुष्टि भएको हो।
उनी महाधिवेशन पहिले रास्वपाको उक्त विभागमा थिए। जयसवालका बुबा कन्थमणिप्रसाद कलवार रौतहटको गरुडा नगरपालिकाका मेयर हुन्। उनलाई रास्वपाका तत्कालीन महामन्त्री भूपदेव शाहले मनोनीत गरेका थिए । मेयर कन्थमणिले पनि केही महिनाअघि छोरा रवि रास्वपामा प्रवेश गरेको बताए ।
उक्त गाडी एक महिना पहिले किनेको र अहिलेसम्म पनि आफ्नो नाममा आउन बाँकी रहेको बताए। गाडी सानिमा बैंकबाट कर्जा लिएर किनेको अभिलेखमा भेटिएको छ।
बा प्रदेश ०१-०३४ च ८४८० नम्बरको गाडी तीनकुनेस्थित कान्तिपुर मिडियाग्रुपको कार्यालयको गेट अगाडि पार्किङ गरेर छाडिएको थियो। प्रहरीले क्रेनको मद्दतमा यो गाडी उठार लगिसकेको छ।
यस्तै अनलाइनखबर र हिमालयन टेलिभिजन अगाडि पनि यसैगरी गाडी पार्किङ गरिएको थियो। ती गाडी पनि प्रहरीले लगेको छ।
© 2026 All right reserved to khabarcnter.com | Site By : Sobij
