२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । प्रतिनिधिसभा अन्तर्गतको उद्योग, वाणिज्य तथा श्रम उपभोक्ता हित समितिले काठमाडौंको बालाजु औद्योगिक क्षेत्रको स्थलगत अनुगमन गरेको छ। औद्योगिक क्षेत्रभित्र सञ्चालित उद्योगहरूको वर्तमान अवस्था, श्रम मापदण्डको पालना र उत्पादकत्वबारे जानकारी लिन समितिका सभापतिसहितको टोलीले अनुगमन गरेको हो।
अनुगमनका क्रममा समितिका सदस्यहरूले विभिन्न उद्योगका प्लान्ट, मजदुरहरूको कार्यस्थल र भण्डारण कक्षको निरीक्षण गरेका थिए। सो अवसरमा उद्योगीहरूले कच्चा पदार्थको अभाव, चर्को ब्याजदर, विद्युत आपूर्तिमा हुने अवरोध र बजारको संकुचनका कारण उद्योगहरू पूर्ण क्षमतामा चल्न नसकेको गुनासो समिति समक्ष राखेका थिए।
निरीक्षणपछि आयोजित संक्षिप्त अन्तर्क्रियामा समितिका सभापतिले मुलुकको आर्थिक समृद्धिका लागि स्वदेशी उद्योगहरूको संरक्षण आवश्यक रहेको बताए।
उनले औद्योगिक क्षेत्रभित्रका पूर्वाधार सुधार गर्न, उद्योगमैत्री वातावरण बनाउन र उद्योगीका जायज मागहरूलाई तत्काल सम्बोधन गर्न सम्बन्धित मन्त्रालय र औद्योगिक क्षेत्र व्यवस्थापन लिमिटेडलाई निर्देशन दिइने प्रतिबद्धता जनाए। अनुगमन टोलीमा समितिका माननीय सांसदहरू, उद्योग मन्त्रालयका प्रतिनिधि र उद्योग वाणिज्य महासंघका पदाधिकारीहरूको सहभागिता रहेको थियो।
© 2026 All right reserved to khabarcnter.com | Site By : Sobij
