२०८३ आश्विन २ गते शुक्रवार
२०८३ आश्विन २ गते शुक्रवार
.gif)
काठमाडौं । वैदेशिक रोजगारीका लागि रोमानिया पठाइदिने प्रलोभन देखाई करोडौँ रुपैयाँ ठगी गरेको आरोपमा मोरङको रतुवामाई-८ स्थित केएसए म्यानपावरका दुई जना पक्राउ परेका छन् । पक्राउ पर्नेमा म्यानपावर सञ्चालक उद्धव पाठक र कर्मचारी अभि भण्डारी रहेका छन् ।
मोरङ प्रहरीका अनुसार झापा र मोरङका युवाहरूलाई लक्षित गरी भएको यस ठगी धन्दामा हालसम्म साढे ३ करोड रुपैयाँभन्दा बढीको दाबीसहित उजुरी परेको छ । पीडितहरू थपिने क्रम जारी रहेकाले ठगीको आकार अझै बढ्न सक्ने डीएसपी मकेन्द्रकुमार मिश्रले बताएका छन्। धेरैजसो कारोबार नगदमै भएकाले प्रमाण जुटाउन प्रहरीलाई चुनौती थपिएको छ ।
लामो समय लुकिछिपी बसेका पाठक र भण्डारीलाई इलाका प्रहरी कार्यालय सिजुवाको टोलीले नियन्त्रणमा लिएको हो । हिरासतमा रहेका पाठकले सम्पत्ति बेचेर रकम फिर्ता गर्ने दाबी गरे पनि पीडितहरूले विश्वास गरेका छैनन् । प्रहरीले घटनाको थप अनुसन्धान गरिरहेको छ ।
© 2026 All right reserved to khabarcnter.com | Site By : Sobij
