२०८३ आश्विन २ गते शुक्रवार
२०८३ आश्विन २ गते शुक्रवार
.gif)
काठमाडौं । गुण्डागर्दीमा संलग्न सानुभाइ भनिने युवराज गुरुङले पोखराको रात्री क्लबमा युवामाथि आक्रमण गरेका छन् । पोखराको लेकसाइडमा रहेको क्लबमा सानुभाइ र उनको समूहले अर्को समूहका युवामाथि आक्रमण गरेका हुन् ।
सामान्य विवादमै सानुभाइ समूहले अर्को समूहमाथि आक्रमण गरेको प्रहरीले बताएको छ । पीडित युवाले पोखरा प्रहरीमा उजुरी समेत दिएका छन् ।
आक्रमणपछि त्यहाँबाट निस्केको सानुभाइको समूह अहिलेसम्म फरार छ । काठमाडौंबाट पोखरा घुम्न पुगेको उनको समूहले आक्रमण गरी फरार भएपछि खोजी भइरहेको प्रहरीले बताएको छ । घटना आइतबार रातिको हो ।
सानुभाइलाई पक्राउ गर्न काठमाडौं उपत्यका अपराध अनुसन्धान कार्यालयको टोली पनि खटिएको छ ।
सानुभाइ पटक पटक पक्राउ पर्दै आएका गुण्डा नाइके हुन् । उनलाई पछिल्लो पटक जिल्ला प्रहरी परिसर काठमाडौंको टोलीले गत २२ चैतमा सामाखुसी क्षेत्रबाट पक्राउ गरेको थियो ।
© 2026 All right reserved to khabarcnter.com | Site By : Sobij
