२०८२ चैत्र २ गते सोमवार
२०८२ चैत्र २ गते सोमवार
गण्डकी प्रदेशमा थप ५४० जनामा कोरोना संक्रमण पुष्टि भएको छ । प्रदेशमा मनाङ र मुस्ताङ बाहेका ९ जिल्लामा गरिएको नमूना परिक्षणमा ५४० जनामा कारोना संक्रमण देखिएको हो । गण्डकी प्रदेशमा पछिल्लो २४ घण्टामा १ हजार ६६३ जनामा गरिएको नमुना परीक्षण ३०० पुरुष र २४० जना महिलामा कोरोना पुष्टि भएको प्रदेश स्वास्थ्य निर्देशक डा.विनोदबिन्दु शर्माले जानकारी दिए ।
उनका अनुसार गोरखामा १०४, कास्की ७४, म्याग्दी १५, स्याङ्जा ७, बाग्लुङ ११५, पर्वत ३४, तनहुँ १७, लमजुङ ८९ र नवलपुरमा ८५ जनामा संक्रमण देखिएको हो । योसँगै गण्डकी प्रदेशमा कोरोना संक्रमितको संख्या ४१ हजार ६४२ पुगेको छ । प्रदेशमा पछिल्लो २४ घण्टामा ८५९ जना कोरोना संक्रमणमुक्त भएका छन् । योसँगै संक्रमणमुक्त हुनेको संख्या ३० हजार २३२ पुगेको छ ।
गण्डकी प्रदेशमा पछिल्लो २४ घण्टामा १६ जनाको कोरोना संक्रमणका कारण मृत्यु भएको छ। प्रदेशमा हालसम्म कोरोना संक्रमणका कारण मृत्यु हुनेको संख्या ६६१ पुगेको छ ।
© 2026 All right reserved to khabarcnter.com | Site By : Sobij
