२०८३ आश्विन २ गते शुक्रवार
२०८३ आश्विन २ गते शुक्रवार
.gif)
काठमाडौं । सशस्त्र प्रहरीका ५ जना उच्च अधिकृतहरूलाई एक तह माथिल्लो पदमा बढुवा गर्न सिफारिस गरिएको छ । सशस्त्र प्रहरी वरिष्ठ उपरीक्षक राजेन्द्र खड्कालाई सशस्त्र प्रहरी नायब महानिरीक्षकमा (डीआईजी)मा बढुवा गर्न सिफारिस गरिएको छ ।
मङ्गलवार गृह मन्त्रालयका सचिव राजकुमार श्रेष्ठको अध्यक्षतामा बसेको बढुवा समितिले खड्का सहितका उच्च अधिकृतहरूलाई एक तह बढुवा गर्न सिफारिस गरेको हो । बढुवा समितिले सशस्त्र प्रहरी वरिष्ठ उपरीक्षकमा सशस्त्रका एसपी सञ्जय भट्टराईलाई बढुवा गर्न सिफारिस गरेको छ ।
मङ्गलवार नै एआईजीमा सिफारिस भएका अञ्जनीकुमार पोखरेलको बढुवा नियुक्ति भएपछि रिक्त हुन आउने पदमा उनीहरूलाई बढुवा गर्न सिफारिस गरिएको बढुवा समितिले जनाएको छ ।
कानुन समूहतर्फ सशस्त्र प्रहरी वरिष्ठ उपरीक्षक युवराज अर्याललाई नायव महानिरीक्षक (डीआईजी) मा बढुवा सिफारिस गरिएको छ । सो समूहमा यसअघि नै नयाँ दरबन्दी स्वीकृत भए पनि बढुवा सिफारिस हुन सकेको थिएन ।
स्वास्थ्य समूहतर्फ प्राविधिक सशस्त्र प्रहरी उपरीक्षक डा।रोस्सु थापालाई सोही समूहको एसएसपीमा बढुवा सिफारिस गरिएको छ ।
कानुनतर्फ एसपी छविलाल पाण्डेलाई वरिष्ठ उपरीक्षक पदमा बढुवा गर्न सिफारिस गरिएको छ । सिफारिस उपर चित्त नबुझेमा प्रतिस्पर्धी अधिकृतहरूले सशस्त्र प्रहरी नियमावली २०७२ को नियम ३९ अनुसार ७ दिनभित्र बढुवा उपरको उजुरी सुन्ने समिति समक्ष उजुरी दिन सक्नेछन् ।
© 2026 All right reserved to khabarcnter.com | Site By : Sobij
