२०८३ बैशाख ८ गते मंगलवार
२०८३ बैशाख ८ गते मंगलवार
काठमाडौं । एप्पल कम्पनीका प्रमुख कार्यकारी अधिकृत (सीईओ) टिम कुकले आफ्नो पदबाट राजीनामा दिँदैछन्।
एप्पलले आउँदो सेप्टेम्बर १ देखि लागू हुने गरी टिम कुक कम्पनीको सञ्चालक समितिको कार्यकारी अध्यक्ष बन्ने घोषणा गरेको छ र जोन टर्नस नयाँ सीईओ बन्ने छन्। जोन टर्नस हाल हार्डवेयर इन्जिनियरिङका वरिष्ठ उपाध्यक्ष हुन्।
स्टिभ जब्सपछि टिम कुकले सीईओको जिम्मेवारी सम्हालेका थिए। उनको लगभग १५ वर्षको कार्यकाल अब समाप्त हुँदैछ।
कार्यकारी अध्यक्षका रुपमा टिम कुकले विश्वभरका नीति निर्माताहरूसँग संलग्न हुनेजस्ता कम्पनीको केही काममा सहयोग गर्नेछन्।
जोन टर्नस सन् २००१ मा एप्पलको उत्पादन डिजाइन टोलीमा सामेल भए। सन् २०१३ मा उनी हार्डवेयर इन्जिनियरिङका उपाध्यक्ष बनेका थिए।
टर्नस सन् २०२१ मा हार्डवेयर इन्जिनियरिङका वरिष्ठ उपाध्यक्षका रुपमा कार्यकारी टोलीमा सामेल भएका थिए।
© 2026 All right reserved to khabarcnter.com | Site By : Sobij
