२०८३ श्रावण ११ गते सोमवार
२०८३ श्रावण ११ गते सोमवार
.gif)
काठमाडौं । मन्त्री बन्न नपाएपछि प्रदेश सांसदबाट राजीनामा दिएका गण्डकी प्रदेशसभा सदस्य द्रोणकुमार कुँवरले राजीनामा फिर्ता लिएका छन् । उनले राजीनामा फिर्ता लिने भन्दै सभामुख कृष्णप्रसाद धिताललाई फोन गरेका हुन् ।
गण्डकीमा बुधबार मन्त्रीहरू फेरिएका थिए । पुराना सातजना मन्त्री हटाएर नयाँ आठजना मन्त्री थपिँदा त्यसमा कुँवर पनि आकांक्षी थिए । तर, कुँवर मन्त्री बनेनन् ।
मन्त्री हुन नपाएपछि बागलुङ २ (ख) बाट कांग्रेसबाट चुनाव जितेका कुँवरले बुधबार नै सभामुखलाई राजीनामा दिएको भन्दै इमेल पठाएका थिए । इमेल पठाइसकेपछि फोन अफ गरेर बसेका कुँवरले बिहीबार भने सभामुखलाई फोन गरेर राजीनामा फिर्ता लिएको बताएका हुन् ।
उनले धिताललाई राजीनामा दर्ता नगरेको भए फिर्ता लिइदिन आग्रह गरेका थिए ।
सभामुख धितालले भने आफू पोखराबाहिर रहेको बताए । "म काठमाडौंमा छु, उहाँ (कुँवर) ले फोन गरेर राजीनामा फिर्ता लिन्छु भन्नुभयो," धितालले भने, "उहाँको राजीनामा दर्ता गरिएको थिएन ।”
© 2026 All right reserved to khabarcnter.com | Site By : Sobij
