२०८२ चैत्र २४ गते मंगलवार
२०८२ चैत्र २४ गते मंगलवार
काठमाडौं । राष्ट्रिय सभा अन्तर्गत ४ समितिमा सभापति निर्विरोध चयन भएका छन् । मनोनयनका लागि तोकिएको समयमा एकरएक जनाको उम्मेदवारी परेकाले सबै समिति सभापति निर्विरोध निर्वाचित भएका हुन् ।
राष्ट्रिय सभामा प्रतिनिधित्व गर्ने नेपाली कांग्रेस, नेकपा एमाले, नेपाली कम्युनिस्ट पार्टी र जनता समाजवादी पार्टी नेपालले समितिका सभापति र उपसभापतिमा भागबण्डा गरेका थिए ।
भागबण्डामा एमालेले सभाको उपाध्यक्ष पाएको थियो । उपाध्यक्षमा एमाले सांसद लीला भण्डारी निर्विरोध भएकी छन् । उनले पद तथा गोपनीयताको शपथ लिएर पदभारसमेत ग्रहण गरिसकेकी छन् ।
कांग्रेसका तर्फबाट विकास, आर्थिक मामिला तथा सुशासन समिति सभापतिमा कृष्णप्रसाद पौडेल र विधायन व्यवस्थापन समिति सभापतिमा कृष्णबहादुर रोकाय निर्विरोध निर्वाचित भएका छन् । दुवै समितिका बैठकमा मंगलबार एकरएक जनाको मात्रै उम्मेदवारी दर्ता भएको हो ।
सार्वजनिक नीति तथा प्रत्यायोजित विधायन समितिको सभापतिमा पूजा चौधरी निर्विरोध निर्वाचित भएकी छन् । उनी जनता समाजवादी पार्टी नेपालकी सांसद हुन् ।
साथै, सङ्घीयता सबलीकरण तथा राष्ट्रिय सरोकार समितिको सभापतिमा जयन्तीदेवी राई निर्वाचित भएकी छन् । उनी नेपाली कम्युनिस्ट पार्टीकी सांसद हुन् ।
राष्ट्रिय सभामा कांग्रेसका २४, नेपाली कम्युनिस्ट पार्टीका १७, नेकपा एमालेका १० र जनता समाजवादी पार्टी नेपालका ३ सांसद रहेका छन् भने राष्ट्रिय जनमोर्चाका १ र २ सरकारको सिफारिसमा मनोनीत सांसद रहेका छन् ।
© 2026 All right reserved to khabarcnter.com | Site By : Sobij
