२०८३ बैशाख १९ गते शनिवार
२०८३ बैशाख १९ गते शनिवार
काठमाडौं । नयाँ सरकार गठनको गृहकार्य भइरहँदा मन्त्रालय बाँडफाँटबारे छलफल समेत तीव्ररुपमा भएको छ । गृह, अर्थ, परराष्ट्र र शिक्षा लगायतका मन्त्रालयहरु कसले पाउने भन्ने रस्साकस्सीबिच अहिले सम्भावित उम्मेदवारबारे छलफल भइरहेको छ ।
वरिष्ठ नेता बालेन्द्र शाह (बालेन) को नेतृत्वमा बन्ने सरकारमा शिक्षामन्त्रीका लागि ३ जनाको नाम चर्चामा आएको छ । बालेन निकट स्रोतका अनुसार छलफलमा पूर्व शिक्षामन्त्री महावीर पुन, बालेनका पूर्व शिक्षा सल्लाहकार सस्मित पोखरेल र कैलाली ५ का सांसद आनन्द चन्दको नाम चर्चामा आएको हो ।
सस्मित पोखरले काठमाडौं महानगरमा शैक्षिक सुधारमा काम गरेको दाबी रहेको छ भने आनन्द चन्दले शिक्षा क्षेत्रमा विज्ञता हासिल गरेका छन् । चन्दले पाटन क्याम्पसमा १७ वर्ष भन्दा बढी उपप्राध्यापक काम गरेका छन् ।
स्रोतका अनुसार अहिले अर्थमन्त्रीमा स्वर्णिम वाग्लेको नाम मात्रै चर्चामा छ । परराष्ट्र मन्त्रीको रोस्टरमा तीन जनाको नाम चढेको छ । शिशिर खनाल, डा.तारा जोशी र कमलदेव सुवेदीलाई अहिले सम्भावित मन्त्रीको सूचीमा राखिएको स्रोतले जनाएको छ ।
© 2026 All right reserved to khabarcnter.com | Site By : Sobij
