२०८२ फाल्गुण २७ गते बुधवार
२०८२ फाल्गुण २७ गते बुधवार
काठमाडौं । छिमेक लघुवित्त वित्तीय संस्थाको ६९ हजार कित्ता शेयर आज फागुन २७ गतेबाट बिक्रीमा राखिएको छ।
उक्त बोलपत्र आउँदो चैत १२ गतेसम्म पेस गर्न सकिनेछ। बोलपत्र काठमाडौंको थापाथलीस्थित ट्रेड टावरमा रहेको एनआईसी एसिया क्यापिटलमा पेस गर्नुपर्नेछ।
संस्थाको संस्थापक समूहको शेयर लिलामी प्रक्रियामार्फत बिक्रीमा राखिएको हो। यो शेयर खरिदका लागि संस्थाका विद्यमान संस्थापक शेयरधनीका साथै अन्य व्यक्ति तथा संस्थाले बोलपत्र पेस गर्न सक्नेछन्।
बिक्रीमा राखिएको शेयरको न्यूनतम मूल्य प्रतिकित्ता ४४५ रुपैयाँ तोकिएको छ। यसको अर्थ लगानीकर्ताले बोलपत्र पेस गर्दा न्यूनतम मूल्य वा सोभन्दा बढी बोलकबोल गर्नुपर्नेछ।
बोलपत्र पेस गर्दा न्यूनतम ५ हजार कित्ताका लागि खरिद गर्न निवेदन दिनुपर्नेछ। अधिकतममा सम्पूर्ण कित्ताका लागि निवेदन दिन सक्ने जनाएको छ ।
© 2026 All right reserved to khabarcnter.com | Site By : Sobij
