२०८२ फाल्गुण ११ गते सोमवार
२०८२ फाल्गुण ११ गते सोमवार
ठमाडौं । गत पुस २७ गते मात्रै एकीकरण भएको तराई मधेस लोकतान्त्रिक पार्टी (तमलोपा) उपेन्द्र यादव नेतृत्वको जसपा नेपालबाट अलग भएको छ ।
तमलोपाका अध्यक्ष वृषेशचन्द्र लालले आइतबार प्रेस विज्ञप्ति जारी गरी जसपा नेपालसँग कुनै सम्बन्ध नरहेको भन्दै अलग भएको घोषणा गरेको हो ।
गत मंसिर २४ गते लोकतान्त्रिक समाजवादी पार्टी, जनता प्रगतिशील पार्टी र तराई-मधेस लोकतान्त्रिक पार्टी एकीकृत हुने सहमति भएको थियो । तर त्यस अनुसार एकीकरणको प्रक्रिया पूरा हुन सकेन
पुस २७ गते लोसपा र जसपा नेपालबिच एकीकरण भए पनि एकीकरणको प्रक्रियामा आफ्नो पार्टीलाई संस्थागत सहभागिता नगराएको दाबी गर्दै तमलोपाका अध्यक्ष लालले राजनीतिक मर्यादा, आत्मसम्मान र संस्थागत मूल्यलाई ध्यानमा राखी जसपा नेपालसँग तमलोपाको कुनै सम्बन्ध नरहेको प्रस्ट पारेका छन् ।
तमलोपा मधेसी, थरुहट, आदिवासी-जनजाति, दलित, मुस्लिम लगायतको एजेन्डाको निमित्त निरन्तर कार्यरत रहिरहने बताउँदै उनले फागुन २१ गते हुने निर्वाचनमा गणतन्त्र, सङ्घीयता र समावेशी लोकतन्त्र प्रति आस्था राख्ने उम्मेदवारलाई मतदान गर्न आग्रह गरेका छन् ।
© 2026 All right reserved to khabarcnter.com | Site By : Sobij
