२०८२ माघ २० गते मंगलवार
२०८२ माघ २० गते मंगलवार
काठमाडौं । महोत्तरीको उखु खेतमा आगलागी भएको छ । औरही नगरपालिका-१ मा ६ बिघा बढी खेतको उखुमा आगलागी भएको प्रहरीले जनाएको छ । आगलागीबाट करिब १४ लाख बराबरको उखुमा क्षति भएको हो ।
स्थानीय १० जनाको गरी कूल ६ बिघा ७ कठ्ठा खेतको उखु पूर्ण रूपमा जलेको एभरेष्ट सुगर एण्ड केमिकल इन्डस्ट्रिज गौशालाका जेटिए अमिरी महतोले जानकारी दिए ।
उनले भने, ‘आगलागी भएको उखु २४ घण्टाभित्र क्रसिङ गर्न सके दुई प्रतिशत मात्रै कट्टा हुन्छ । त्यसभन्दा ढिलो भए उखुलाई ल्याबमा पठाइन्छ । ल्याबको रिपोर्ट अनुसार कट्टा हुन्छ,’ ।
सम्सी, रामगोपालपुर, जलेश्वर र बर्दिबास नगरपालिकाको वारुण यन्त्रको सहयोगमा आगो नियन्त्रणमा लिइएको प्रहरीले जनाएको छ । पीडित कृषकका अनुसार आगलागी भएको उखु काट्ने तयारीमा थियो ।
© 2026 All right reserved to khabarcnter.com | Site By : Sobij
