२०८२ माघ ७ गते बुधवार
२०८२ माघ ७ गते बुधवार
काठमाडौं । नेपाली कांग्रेसको विशेष महाधिवेशन अन्तर्गत नयाँ नेतृत्व चयनका लागि आजै राति ९ बजेदेखि मतदान हुने भएपछि महाधिवेशन स्थल भृकुटीमण्डपमा सुरक्षा व्यवस्था कडा पारिएको छ । निर्वाचन कार्यतालिका सार्वजनिक भएसँगै भृकुटीमण्डप क्षेत्रमा सुरक्षाकर्मीको संख्या बढाइएको हो ।
सम्भावित अवाञ्छित गतिविधि रोक्न सुरक्षाकर्मी परिचालन गर्दै प्रवेश तथा आवतजावतमा निगरानी कडा बनाइएको जनाइएको छ । निर्वाचन समितिले मतदाता नामावली प्रकाशन, मतदान, मतगणना तथा मतपरिणाम घोषणासम्मको कार्यतालिका सार्वजनिक गरेको छ ।
समितिका अनुसार सभापति पदका लागि उम्मेदवारी दर्ता गर्न ३० हजार, उपसभापति र महामन्त्री पदका लागि २५ हजार तथा सहमहामन्त्री पदका लागि २० हजार रुपैयाँ शुल्क निर्धारण गरिएको छ ।
केन्द्रीय सदस्य पदका लागि १० हजार रुपैयाँ शुल्क तोकिएको निर्वाचन समितिका संयोजक सीताराम केसीले जानकारी दिएका छन् ।
© 2026 All right reserved to khabarcnter.com | Site By : Sobij
