२०८२ भाद्र ४ गते बुधवार
२०८२ भाद्र ४ गते बुधवार
धनगढी । प्रहरीले कञ्चनपुरमा रहेको बीबी मार्टका दुई सञ्चालकलाई पक्राउ गरेको छ । निषेधाज्ञामा स्वास्थ्य सुरक्षाको मापदण्डको उल्लंघन गर्दै मार्टले व्यवसाय सञ्चालन गरेको पाइएपछि सञ्चालक दीपेन्द्र ऐर र बिपीन बोहरालाई पक्राउ गरिएको जिल्ला प्रहरी कार्यालय कञ्चनपुरले जनाएको छ ।
मार्टमा स्वास्थ्य सुरक्षाको कुनै पनि मापदण्ड पालना नगरिएको र भीडभाड गरी व्यवसाय सञ्चालन गरेको पाइएपछि सञ्चालकलाई पक्राउ गरिएको जिल्ला प्रहरी कार्यालय कञ्चनपुरका प्रहरी नायव उपरीक्षक अमरबहादुर थापाले बताए ।
पक्राउ परेका दुबै जनालाई आवश्यक कारबाहीका लागि जिल्ला प्रशासन कार्यालयको जिम्मा लगाइएको प्रहरी नायब उपरीक्षक थापाले जानकारी दिए । संक्रामक रोग ऐन, २०२० अनुसार निषेधाज्ञा उल्लंघन गरेमा एक महिनासम्म कैद वा एक सय रुपैयाँसम्म जरिवाना अथवा दुबै सजाय हुन सक्ने व्यवस्था रहेको छ ।
© 2025 All right reserved to khabarcnter.com | Site By : Sobij
