२०८२ पौष १२ गते शनिवार
काठमाडौं । एमाले केन्द्रीय कार्यालयका सचिव डा.भीष्म अधिकारीका अनुसार नेकपा एमालेले ११ औँ महाधिवेशनपछि पहिलो सचिवालय बैठक बोलाएको छ, जुन आइतबार बिहान ११ बजे च्यासलमा हुने बताएको छ । पार्टी कार्यालय बैठक बोलाइएको भए पनि एजेन्डाबारे जानकारी भइनसकेको अधिकारीले बताए ।
आगामी फागुन २१ गते हुने प्रतिनिधिसभा निर्वाचनका लागि पुस १३ र १४ गते समानुपातिक उम्मेदवारको बन्द सूची निर्वाचन आयोगमा बुझाउनुपर्ने भएकाले एमालेले उक्त सूचीबारे छलफल गर्न बोलाएको हुनसक्ने एक नेताले जानकारी दिए । साथै, बैठकमा नेताहरूको कार्य विभाजन र अन्य आन्तरिक विषयमा समेत छलफल हुने सम्भावना भएको बताए।
© 2025 All right reserved to khabarcnter.com | Site By : Sobij