२०८२ आश्विन २६ गते आइतवार
२०८२ आश्विन २६ गते आइतवार
काठमाडौं । सञ्चार तथा सूचना प्रविधिमन्त्री जगदीश खरेलले जेनजी आन्दोलनका क्रममा घाइते भएकाहरुसँग भेट गरेका छन् । शुक्रवार मध्यान्ह सञ्चारमन्त्री खरेल त्रिवी शिक्षण अस्पताल पुगेर जेनजी आन्दोलनका क्रममा घाइते भएकाहरुलाई भेट् गरेका हुन्।
गत भदौ २३ र २४ गते भएको जेनजी आन्दोलनका क्रममा ७४ जनाको ज्यान गएको थियो । आन्दोलनमा गोली लागेर सयौँ घाइते भएका छन् । आन्दोलनकै उपलब्धिस्वरुप तत्कालीन केपी शर्मा ओली सरकार पतन भयो र अन्तरिम सरकारकी प्रधानमन्त्रीको रुपमा सुशीला कार्की नियुक्ती भएको छ । कार्की मन्त्रीपरिषद्मा सञ्चारमन्त्रीको रुपमा खरेल नियुक्त भएका छन् ।
मन्त्री नियुक्त भएको केही दिनपछि उनले शुक्रवार जेनजी आन्दोलनका घाइतेहरुसँग भेट गरेर उनिहरुको स्वास्थ्यस्थितिबारे जानकारी लिएका छन् । साथै घाइतेहरुको स्वास्थ्यलाभको कामनासमेत गरेका छन्।
घाइतेहरुसँगको भेटपछि सञ्चारकर्मीहरुसँग उनले घाइतेहरुको उपचारमा सरकारले कुनै कसर बाँकी नराख्ने र जेनजीको चाहनाअनुसार आफूले काम गर्ने प्रतिवद्धता जनाएका छन् ।
© 2025 All right reserved to khabarcnter.com | Site By : Sobij
