२०८२ चैत्र २ गते सोमवार
२०८२ चैत्र २ गते सोमवार
काठमाडौं। एक खुट्टाले नाचेर प्रसिद्धि कमाएकी नृत्याङ्गना तथा मोडल सीधा सुवेदीको निधन भएको छ । मंगलबार बिहान ६ः३० बजे त्रिवि शिक्षण अस्पतालमा उनको निधन भएको हो । उनी चार महिनादेखि फोक्सो क्यान्सरबाट पीडित थिइन् ।
४० वर्षकी सीता एक महिनादेखि अस्पतालको भेन्टिलेटरमा रहेकी थिइन् । चितवनको मेघौलीमा जन्मिएकी उनले एक खुट्टाले नाचेरै आफ्नो पहिचान बनाएकी थिइन् । पहिले पनि १२ वर्षको कलिलै उमेरमा क्यान्सर भएपछि उनको एक खुट्टा काट्नु परेको थियो । दोस्रो पटक उनलाई फोक्सोमा क्यान्सर देखिएको थियो ।
बच्चैदेखि नृत्यमा रुचि राख्ने उनले एक खुट्टा काट्न परेपनि आफ्नो सपनालाई त्यागिनन् । चुनौतीहरूलाई अवसरमा बदल्दै उनले नृत्याङ्गना हुँदै, मोडल, गायिका र मिस इन्टरनेशनलसम्मको यात्रा तय गरिन् ।
सुवेदी क्लासिक नेपाल फाउण्डेसनकी संस्थापक, मिस इन्टरनेशनल २०२३, मोटिभेन्सनल स्पिकर, गायिका, इन्टरमिडियट–लेभल कत्थक नृत्यमा स्वर्णपदक विजेता समेत हुन् । उनको आजै दाहसंस्कार गरिने भएको छ।
© 2026 All right reserved to khabarcnter.com | Site By : Sobij
