२०८२ आश्विन २७ गते सोमवार
२०८२ आश्विन २७ गते सोमवार
काठमाडौं । वाणिज्य आपूर्ति तथा उपभोक्ता संरक्षण विभागले नियमित बजार अनुगमन सुचारु गरेको छ । हालै जेनजीको आन्दोलनका कारण रोकिएको अनुगमन बिहीबारदेखि पुन सुरु भएको हो ।
विभागले बिहीबारदेखि बजार अनुगमनलाई तीव्रता दिइएको छ । आज १५ वटा व्यवसायिक फर्म तथा उद्योगमा अनुगमन गरेको थियो । यसमध्ये मूल्य सूची तथा दर्ता प्रमाणपत्र नराख्ने महाबौद्धस्थित एयु श्रृङगार कलेक्सनलाई ५१ हजार रुपैयाँ जरिवाना तिराएको छ ।
यसैगरी दुई वटा फर्मलाई व्यवसायसँग सम्बन्धित कागजात लिएर विभागमा उपस्थित हुन र ११ वटा फर्मलाई सामान्य निर्देशन दिइएको विभागले जानकारी दिएको छ ।
साथै अहिले चाडपर्वलाई लक्षित गरी खाद्यान्न, लत्ताकपडा, कस्मेटिक, गरगहना, माछा मासुजन्य पसलहरूमा बजार अनुगमन थालिएको विभागले जानकारी दिएको छ ।
© 2025 All right reserved to khabarcnter.com | Site By : Sobij
