२०८२ मंसिर ११ गते बिहिवार
२०८२ मंसिर ११ गते बिहिवार
काठमाडौं । जेनजी आन्दोलनका क्रममा विभिन्न सरकार तथा निजी सम्पत्तिमा भएको लुटपाट, तोडफोड र आगजनीपछि बीमा कम्पनीहरूमा बीमा माग दाबी पर्न थालेको छ ।
नेपाल बीमा प्राधिकरणका अनुसार विभिन्न इन्स्योरेन्स कम्पनीहरूमा २० अर्ब ७० करोड ३८ लाख १४ हजार ४८२ रुपैयाँको बीमा दाबी परेको छ । भदौ ३१ गतेसम्म १ हजार ९ सय ८४ वटा बीमा माग दाबी परेको प्राधिकरण जानकारी दिएको छ ।
आन्दोलनका कारण भएको क्षतिमा सबैभन्दा बढी बीमा माग दाबी द ओरियन्टल इन्स्योरेन्स कम्पनीमा परेको छ भने कम्पनीमा ५ अर्ब १४ करोड ७९ लाख ६५ हजार रुपैयाँ बराबरको ४० वटा बीमा माग दाबी परेको छ ।
पाँच तारे होटल हिल्टनको बीमा समेत यसै कम्पनीमा परेको छ । त्यस्तै सिद्धार्थ प्रिमियर र शिखर इन्स्योरेन्समा पनि दाबी परेको छ । शिखर इन्स्योरेन्समा ३ सय ६६ वटा बीमा माग दाबी परेको छ ।
प्रिमियर इन्स्योरेन्स कम्पनीमा ४ अर्ब ९३ करोड २२ लाख, शिखर इन्स्योरेन्समा २ अर्ब ३९ करोड ४ लाख, आईजीआई प्रुडेन्सियल इन्स्योरेन्समा १ अर्ब ५९ करोड ६ लाख, सगरमाथा लुम्बिनी इन्स्योरेन्समा १ अर्ब ४७ करोड ५५ लाख, युनाइटेड अजोड इन्स्योरेन्समा ४८ करोड ७४ लाख, नेपाल इन्स्योरेन्समा ४६ करोड ९४ लाख, एनएलजी इन्स्योरेन्समा ३८ करोड ५८ लाख रुपैयाँको दाबी परेको छ ।
स्टार माइक्रो इन्स्योरेन्समा ६७ लाख ७ हजार, ट्रस्ट माइक्रो इन्स्योरेन्समा ४२ लाख, प्रोटेक्टिभ माइक्रो इन्स्योरेन्समा एक करोड १३ लाख र नेपाल माइक्रो इन्स्योरेन्समा ५६ लाख ३६ हजार रुपैयाँको दाबी परेको प्राधिकरणले जानकारी दिएको छ ।
त्यसैगरी प्रभु इन्स्योरेन्समा १९ करोड १८ लाख, नेसनल इन्स्योरेन्समा ६ करोड ८२ लाख, हिमालयन एभरेस्ट इन्स्योरेन्समा १ अर्ब १५ करोड ६२ लाख, नेको इन्सुरेन्समा १ अर्ब नौ करोड ५३ लाख, सानिमा जीआईसीमा ७८ करोड ९३ लाख, राष्ट्रिय बिमा कम्पनीमा ४९ करोड ५१ लाख रुपैयाँको दाबी परेको छ ।
गत भदौ २३ र २४ गते काठमाडौं लगायत देशभर जेनजी पुस्ताका युवाहरूले बेथितिविरूद्ध आन्दोलन गरेका थिए । सो क्रममा सार्वजनिक तथा निजी संरचनाहरूमा आगजनी तथा तोडफोड गरिएको थियो ।
© 2025 All right reserved to khabarcnter.com | Site By : Sobij
