२०८२ आश्विन २६ गते आइतवार
२०८२ आश्विन २६ गते आइतवार
काठमाडौँ । नेपालको संविधान २०७२ जारी भएको एक दशक पूरा भएको अवसरमा आगामी संविधान दिवस तथा राष्ट्रिय दिवस विशेष रुपमा मनाइने भएको छ । यसै अवसरमा नेपाल टेलिकमले आफ्ना ग्राहकका लागि ‘संविधान दिवस अफर २०८२’ सार्वजनिक गरेको छ ।
टेलिकमका अनुसार असोज २ गतेदेखि ४ गतेसम्म लागू हुने सो अफर अन्तर्गत रु. ४९ मा १ दिनको १ एमबीपीएस अनलिमिटेड डाटा र १०० मिनेट अन-नेट भ्वाइस सुविधा उपलब्ध हुनेछ ।
त्यसैगरी, डाटा प्याकेजमा
रु. १११ मा ५ दिनका लागि ६ जीबी,
रु. १९९ मा ७ दिनका लागि १३ जीबी,
रु. २९९ मा १२ दिनका लागि २० जीबी, र
रु. ३९९ मा १५ दिनका लागि ३० जीबी प्याक उपलब्ध हुने जनाएको छ ।
यसै अफर अन्तर्गत रु. ७८९ मा फेस्टिभ कम्बो प्याक पनि लिन सकिनेछ । प्रिपेड प्रयोगकर्ताका लागि २८ दिन र पोस्टपेड प्रयोगकर्ताका लागि ३० दिनको अवधिसम्म लागू हुने सो प्याकेजमा ३० जीबी डाटा, सबै नेटवर्कमा कल गर्न सकिने ६०० मिनेट अल नेट भ्वाइस सुविधा र २०० अल नेट एसएमएस सुविधा रहनेछ ।
पोस्टपेड प्रयोगकर्ताले यो प्याकेज खरिद गर्दा मासिक रेन्टल चार्जमै शुल्क समायोजन हुने सुविधा पनि टेलिकमले उपलब्ध गराएको छ । ग्राहकहरूले असोज २ देखि ४ गतेसम्म *1415*11# डायल गरेर वा नेपाल टेलिकम एपमार्फत यी प्याकेज खरिद गर्न सक्नेछन् ।
© 2025 All right reserved to khabarcnter.com | Site By : Sobij
