२०८२ आश्विन २७ गते सोमवार
२०८२ आश्विन २७ गते सोमवार
काठमाडौं । धरान उपमहानगरपालिकाका मेयर हर्क साम्पाङ जेनजी आन्दोलनपछिको परिस्थिति सम्झिँदै धुरुधुरु रोएका छन् ।
धरान पुगेका साम्पाङ पत्रकारहरूको भेटमा विदेशीले देशलाई टेकओभर गर्न सक्ने सम्भावना रहेको भन्दै हर्क भक्कानिएका छन् । धरानमा केही पत्रकारहरूसँग कुरा गर्दै साम्पाङले आफूलाई खानेपानी र श्रम मन्त्री दिइएको भए पनि स्वीकार नगर्ने बताएका छन् ।
आफूलाई प्रधानमन्त्री बनाउने विषयमा काठमाडौंमा धेरै छलफल भए पनि निष्कर्ष ननिस्किएको समेत बताएका छन् । साम्पाङले भने, अरूलाई ढोगेर पद पाउँ भन्ने खालको मान्छे होइन म । धरानको मेयर टिका लगाएर होइन, १० वर्षसम्म एक्लै चप्पल पड्काएर अभियान चलाएर पाएको हो ।’
गत भदौ २३ र २४ गते भएको आन्दोलनपछि मेयर हर्क साम्पाङ काठमाडौं आएका थिए भने धरान उपमहानगरकै गाडीमा काठमाडौं आएका उनी अहिले धरान फर्किएर त्यहाँ पत्रकारहरूसँग भेटघाट गरेका छन् ।
© 2025 All right reserved to khabarcnter.com | Site By : Sobij
