२०८२ भाद्र १८ गते बुधवार
२०८२ भाद्र १८ गते बुधवार
गएराति सिन्धुपाल्चोक केन्द्रबिन्दु भएर भूकम्प गएको छ।
सिन्धुपाल्चोकको तारामराङ आसपासको क्षेत्रलाई केन्द्रबिन्दु बनाएर मङ्गलबार राति ११ बजेर २३ मिनेट जाँदा चार म्याग्निच्यूडको भूकम्प गएको राष्ट्रिय भूकम्प मापन केन्द्रले जनाएको छ।
भूकम्पको धक्का सिन्धुपाल्चोक र आसपासका जिल्लाहरूमासमेत अनुभव गरिएको थियो ।
मङ्गलबार बिहान ६ः१५ मा पनि गोरखाको अजिकोट–३ हंशपुरलाई केन्द्रबिन्दु बनाएर चार म्याग्निच्यूडको भूकम्प गएको थियो भने दिउँसो ३ः१३ बजे दोलखाको लापिलाङ क्षेत्रलाई केन्द्रबिन्दु बनाएर चार दशमलव एक म्याग्निच्यूडको भूकम्प गएको थियो।
नेपालमा पछिल्लो समय ससना रेक्टरस्केलका भूकम्प जाने क्रम जारी रहेको छ। नेपाल हिमालय क्षेत्र भएका कारणले भूकम्पको जोखिमको क्षेत्रका रूपमा लिने गरिन्छ।
© 2025 All right reserved to khabarcnter.com | Site By : Sobij
