२०८२ भाद्र १६ गते सोमवार
२०८२ भाद्र १६ गते सोमवार
काठमाडौं । भारतीय सवारी साधन निर्माता कम्पनी टिभीएस मोटर्सले हालै नयाँ मोडेलमा इलेक्ट्रिक स्कुटरहरु बजारमा सार्वजनिक गरेको छ । यसअघि टिभीएसका दुईपाङ्ग्रे सवारी साधनमा छुट्टै पहिचान बनाउँदै आएको कम्पनीले पछिल्लो पटक इलेक्ट्रिक स्कुटर निर्माण गरी बजारमा ल्याएको हो ।
टिभीएस अर्बिटर नाम दिएर कम्पनीले नयाँ इभी स्कुटर भारतीय बजारमा सार्वजनिक गरिसकेको छ । जुन,टिभीएसको आइक्यूब इलेक्ट्रिक मोडल पछिको अर्बिटर दोस्रो मोडल हो । कम्पनीका अनुसार, यो सिंगल भेरियन्टमा मात्रै बजारमा ल्याइएको छ। तर, आइक्यूबको भने बजारमा धेरै भेरियन्टमा उपलब्ध रहेका छन् ।
अर्बिटर नयाँ स्कुटरले १५८ किलोमिटरसम्मको आइडीसी रेन्ज दिने ३.१ किलोवाट आवरको ब्याट्री जडान गरिएको हुन्छ । जुन आइपी ६७ रेटिङका साथ आउँछ। कम्पनीले यस स्कुटरमा निकै उत्कृष्ट सेग्मेन्ट पहिलो सुविधा जनक फिचहरू प्रदान गरेको छ भने ६ ओटा कलर अप्सन दिएको छ ।
१६५ एमएम ग्राउण्ड क्लियरेन्स भएको अर्बिटर स्कुटरमा अलोय ह्वील, फ्ल्याट फ्लोरबोर्ड, ३४ लिटरको बुट स्पेस रहेको छ ।कम्पनीले हालै सार्वजनिक गरेको अर्बिटर स्कुटरको मूल्य ९९ हजार ९०० भारतीय रुपैयाँ कायम गरिएको छ । कम्पनीका अनुसार यो भारतकै सबैभन्दा उत्कृष्ट मध्यको एक एरोडायनामिक स्कुटर हो।
यूएसबी चार्जिङ, क्रूज नियन्त्रण, स्वचालित हिल होल्ड असिस्ट, रिभर्स पार्किङ असिस्ट, र कनेक्टेड डिजिटल क्लस्टर समावेश छन्।
© 2025 All right reserved to khabarcnter.com | Site By : Sobij
