२०८२ भाद्र ८ गते आइतवार
२०८२ भाद्र ८ गते आइतवार
काठमाडौं । काठमाडौंको भृकुटीमण्डपमा चलिरहेको ‘नाइमा नेपाल मोबिलिटी एक्स्पो २०२५’को समयावधि थप भएको छ ।
नेपाल अटोमोबाइल इम्पोर्टर्स एण्ड म्यानुफ्याक्चरर्स एसोसिएसन (नाइमा)को आयोजनामा भएको उक्त एक्स्पोको अवधि सोमबारसम्म थप भएको हो । बुधबार सुरु भएको उक्त एक्स्पो यसअघि आइतबारसम्म चल्ने उल्लेख गरिएको थियो ।
नाइमाले एक्सपोमा अपेक्षाभन्दा बढी दर्शकको आगमन भएको र यसले प्रदर्शनीस्थलमा रौनकता छाएको दाबी गरेको छ । पाँच दिन खुल्ने भनिए पनि अवलोकनकर्ताको मागलाई सम्बोधन गर्न गाह्रो भएपछि एक दिन प्रदर्शन अवधि थप गरेको हो ।
नाइमाले प्रदर्शनीको दिनमध्ये शनिबार सबैभन्दा धेरे अवलोकनकर्ता आएको समेत जानकारी दिएको छ । अरू दिन कार्यालयको कामकाजमा व्यस्त रहने व्यक्तिले शनिबार उत्साहका साथ प्रदर्शनीमा सहभागिता नाइमाले जानकारी दिएको छ ।
प्रदर्शनीको पहिलो ४ दिनमा ६९ हजार ५०० जनाले अवलोकन गरेको नाइमाले जानकारी दिएको छ भने त्यसमध्ये पहिलो दिन १५ हजार, दोस्रो दिन १३ हजार ५००, तेस्रो दिन १९ हजार ५०० र चौथो दिन शनिबार २१ हजार ५०० अवलोकनकर्ताले एक्स्पोमा सहभागिता जनाएको नाइमाको तथ्याङ्कमा उल्लेख रहेको छ । एक्स्पोमा ५० भन्दा बढी राष्ट्रिय तथा अन्तर्राष्ट्रिय ब्रान्डहरू सहभागी रहेका छन् ।
© 2025 All right reserved to khabarcnter.com | Site By : Sobij
