२०८२ भाद्र १२ गते बिहिवार
२०८२ भाद्र १२ गते बिहिवार
काठमाडौं । बाढीले क्षतिग्रस्त बनाएको स्याफ्रुवेँसी - रसुवागढी सडक खुलेको छ । १३ दिनपछि ट्र्याक खोल्न सफल भएको गल्छी–त्रिशूली–मैलुङ–स्याफ्रुवेशी रसुवागढी सडक योजनाका सब इन्जिनियर तथा प्राविधिक रूपनारायण पौडेलले जानकारी दिएका छन् ।
उनले भने, ‘११ औँ दिनको कडा मेहनतपछि बाटो खुल्यो । सबै प्रकारका सवारी एकतर्फी सञ्चालन गर्न सकिने भएको छ ,’।
बाढीले क्षति गरेको दोस्रो दिनदेखि सडक मर्मत सुरु गरिएको थियो । शुक्रबार खुलाइने भनिए पनि कडा चट्टानसहितको भिर कटन गर्न नसक्दा असफल भएको र आज खुलाउन सफल भएको पौडेलको भनाइ रहेको छ ।
गत असार २२ गते आएको बाढीले चीनसँगको प्रमुख व्यापारिक नाका रसुवागढी जोड्ने सडक र मितेरी पुल क्षतविक्षत बनाएको थियो । मितेरी पुलमा दसैँअघि बेलिब्रिज जडान गर्न चीनसँग सहमति भएको छ ।
© 2025 All right reserved to khabarcnter.com | Site By : Sobij
