२०८२ भाद्र १४ गते शनिवार
काठमाडौं । सात लाख खोसेर भाग्ने चार जनालाई प्रहरीले पक्राउ गरेको छ । घटनामा संलग्न रहेको भन्दै बिहीबार चार जनालाई प्रहरीले पक्राउ गरेको हो ।
पक्राउ पर्नेहरु सिन्धुपाल्चोकको बाह्रबिसे नगरपालिकाका स्थायी बासिन्दा रहेका छन् । २८ वर्षिय पर्वत तामाङ, २५ वर्षिय प्रकाश तामाङ भन्ने सुर्य बहादुर, ३६ वर्षिय सागर, ३५ वर्षिय बिष्णु कुमार रुम्बा रहेका छन् ।
काठमाण्डौं उपत्यका अपराध अनुसन्धान कार्यालय टेकुका प्रहरी उपरीक्षक एवं सूचना अधिकारी काजी कुमार आचार्यका अनुसार पीडितलाई आफूसँग ६ हजार अमेरिकन डलर रहेको र ७ लाख नेपाली रकम दिनु भन्दै गत आइतबार भक्तपुरको चागुँनारायण नगरपालिका वडा नम्बर ४ हलछाप स्थित एकान्त जंगलमा लगेर ५र६ जनाको समूहले नक्कली पेस्तोल देखाई पीडितको साथमा रहेको आइफोन मोबाईल र नगद रु सात लाख जबरजस्ती खोसी फरार भएका थिए ।
स्कुटर,मोटरसाइकलसहित पक्राउ परेका उनीहरूलाई आवश्यक कारबाहीको लागि जिल्ला प्रहरी परिसर भक्तपुरमा पठाइएको काठमाण्डौं उपत्यका अपराध अनुसन्धान कार्यालय टेकुका प्रहरी उपरीक्षक एवं सूचना अधिकारी आचार्यले जानकारी दिएका छन् ।
© 2025 All right reserved to khabarcnter.com | Site By : Sobij