२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । रसुवागढीमा आएको बाढीको कारण ज्यान गुमाएकाहरूको शव र मानव अङ्ग काठमाडौं ल्याउन लागिएको छ ।
शव पोस्टमार्टमका गर्न त्रिवि शिक्षण अस्पतालमा ल्याउन लागिएको बागमती प्रदेशका डीआईजी अरुण पौडेलले बताएका छन् ।
प्रहरी प्रधान कार्यालयका अनुसार नेपाल–चीन सीमाको लेन्डे खोला हुँदै भोटेकोशीमा आएको बाढीले बगाएर ९ जनाको मृत्यु भएको छ भने तीमध्ये एकजनाको मात्रै सनाखत भएको छ ।
उद्धारमा खटिएका प्रहरीका असई लाल बहादुर श्रेष्ठको मात्रै सनाखत भएको छ । उनको शव चितवनको भरतपुर नगरपालिका–२९ स्थित १५ किलोमा भेटिएको थियो । अन्यको सनाखत हुन नसकेको र केहीको हात र खुट्टाको भागमात्रै भेटिएको डीआईजी पौडेलले बताएका छन् ।
खोज तथा उद्धारका लागी डीआईजी पौडेल र राजमार्ग सुरक्षा तथा ट्राफिक व्यवस्थापन कार्यालय रामनगर, चितवनका एसपी नरेश सुवेदी रसुवाको स्याफ्रुमा खटिएका छन् । बाढीका कारण अझै १९ जना सम्पर्क विहीन रहेका छन् ।
© 2025 All right reserved to khabarcnter.com | Site By : Sobij
