२०८२ चैत्र २ गते सोमवार
२०८२ चैत्र २ गते सोमवार
काठमाडौं । असार १५ गतेभित्र विद्यालय शिक्षा विधेयक पारित हुने सम्भावना न्युन देखिएको छ । सरकारले असार १५ गतेभित्रै विद्यालय शिक्षा विधेयक पारित गर्ने बताएको थियो । यो बाचासहित सरकारले शिक्षक महासंघसँग सहमति समेत गरेको थियो ।
प्रतिनिधिसभा अन्तर्गतको शिक्षा, स्वास्थ्य तथा सूचना प्रविधि समितिका सभापति अम्मरबहादुर थापाले विधेयक अगाडि बढाउन धेरै ढिला नगरिने बताएका छन् ।
असार १५ गतेको समयसीमामा केही विलम्ब हुने अवस्था बनेको तथापि, समिति सहमतिको लागि प्रयासरत रहेको उनको जानकारी दिएका छन् ।
शुक्रबार पनि शिक्षा, स्वास्थ्य तथा सूचना प्रविधि समितिको बैठक बस्दैछ । आज बिहान साढे ११ बजे समितिको सभाकक्ष सिंहदरबारमा बैठक बस्ने तय भएको छ ।
हिजो पनि समितिको बैठक दिनभरजसो बसेको थियो भने तर, विधेयकका कतिपय प्रावधानमा सहमति जुट्न सकेको छैन । निजी विद्यालय सञ्चालन गर्न सक्ने प्रावधान यथावत राख्ने सरकारको प्रस्ताव छ ।
हाल शैक्षिक गुठीअन्तर्गत विद्यालय सञ्चालनको अनमुति प्राप्त हुने व्यवस्था रहेको छ । यसलाई बदलेर कम्पनी कानुनअनुसार विद्यालय खोल्न दिन लागिएको छ । यो समितिले विद्यालय शिक्षा विधेयकमा राख्न लागेको नयाँ प्रावधान हो ।
दलहरूबीच जुटेको सहमतिअनुसार कक्षा १० को एसइई परीक्षा प्रदेश स्तरमा सञ्चालन हुने भएको छ । ।
कक्षा १ देखि ८ सम्मको आधारभूत शिक्षामा प्रारम्भिक बाल विकासलाई समेट्न दलहरू सहमत भएका छन् । तर, सरकार तयार भएको छैन ।
© 2026 All right reserved to khabarcnter.com | Site By : Sobij
