२०८२ चैत्र २ गते सोमवार
२०८२ चैत्र २ गते सोमवार
काठमाडौं । लागु औषध कारोबारीलाई समात्ने क्रममा घाइते भएका दुई प्रहरीलाई नेपाल प्रहरी अस्पताल महाराजगञ्ज लगिएको छ ।
घाइते प्रहरीलाई उपचारका लागि अस्पताल लगिएको लागु औषध नियन्त्रण ब्यूरो कोटेश्वरले जानकारी दिएको छ । उपचारका लागि प्रहरी अस्पताल लगिएका प्रहरीहरू ब्यूरोमा कार्यरत रवीन्द्र केसी र नवराज घिसिङ रहेका छन् ।
लागु औषध कारोबारको सूचना पाएपछि ब्यूरोका इन्स्पेक्टर राकेश यादव र वरिष्ठ सई बालकृष्ण सञ्जेलसहितको टोली खटिएका थिए भने उक्त क्रममा प्रहरीमाथि नै आक्रमण भएको थियो ।
गोली चलाएर चार जनालाई नियन्त्रणमा लिइएको छ । उनीहरूको साथबाट १ सय ५० ग्रामभन्दा बढी ब्राउन सुगर पनि बरामद गरेको छ ।
नियन्त्रणमा लिइएका व्यक्तिहरु भारतीय नागरिक रहेको ब्यूरोका प्रमुख तथा एसएसपी कृष्ण कोइरालाले जानकारी दिएका छन् ।
© 2026 All right reserved to khabarcnter.com | Site By : Sobij
