२०८२ चैत्र २ गते सोमवार
२०८२ चैत्र २ गते सोमवार
काठमाडौं । राजावादीहरूले राजसंस्थाको पक्षमा सुरू गरेको आन्दोलन आज आइतबार पनि निरन्तर चलिरहेको छ ।
राजावादीहरूले आज नयाँ स्थान नारायणचौरमा जनप्रदर्शनको कार्यक्रमको तयारी गरेकको भएपनि हिजोझै बालुवाटार घेराउ गर्न जाने योजना बनाएका छने ।
आजको आन्दोलनका लागि २ बजे नारायणचौरमा भेला हुन सूचित गरिएको थियो भने त्यहाँबाट जुलुस लिएर बालुवाटारतर्फ लाग्ने तयारी रहेको राप्रपा नेपालका एक पदाधिकारीले जानकारी दिएका छन् ।
हिजो राजावादी प्रदर्शनकारीहरूले बालुवाटारको निषेधित क्षेत्र नतोडिकन प्रदर्शन गरेका थिए भने आज पनि हिजैको स्थानमा प्रदर्शन गर्ने तयारी रहेको छ । सरकारले अनावश्यकरूपमा कडाइ गर्न खोज्यो भने टकरावको अवस्था आउन सक्ने चेतावनी राजावादीका नेताहरूले दिएका छन् ।
सुरक्षा स्रोतका अनुसार आज राजावादीहरूलाई कडाइ गरिने पुष्टि भएको छ । आज राष्ट्रपतिको सवारी पनि भएकाले सडक अवरोध गर्न नदिइने सुरक्षा स्रोतको भनाइ रहेको छ ।
© 2026 All right reserved to khabarcnter.com | Site By : Sobij
