२०८३ बैशाख १८ गते शुक्रवार
२०८३ बैशाख १८ गते शुक्रवार
काठमाडौं । गाडी भासिएर बेपत्ता भएको स्थानमा भूगर्भ विभागले अध्ययन गर्न थालेको छ । खानी तथा भूगर्भ विभागको टोली मंगलबार बिहान हेटौडा आइपुगेर काम सुरु गरेको छ ।
उक्त टोलीले घटना स्थलको भूबनोट, भूमिगत जलस्रोत, चुम्बकीय क्षेत्रका बारेमा अध्ययन गर्ने भएको छ ।
विभागका भूगर्भविद् नारायण अधिकारीले घटना स्थलको भौगोलिक अवस्था, माटोको सतह र घटनाको कारणबारे तथ्यांकीय अध्ययन गर्ने बताएका छन् । घटना स्थलको सतह मुनि माटोको बनोट तह तथा भूमिगत जलको विषयमा अध्ययन गर्ने गरी केही उपकरण प्रयोग गर्ने तयारी रहेको अधिकारीले बताएका छन् । टोलीले प्रोटोन म्याग्नेटोमिटरको प्रयोग गरी चुम्बकीय क्षेत्रको विषयमा अध्ययन गर्ने अधिकारीको भनाई रहेको छ ।
गत शुक्रबार हेटौँडा उपमहानगरपालिका १६ र १७ को सिमाना नजिकै गैरीगाउँको भित्री सडक खण्डमा रोकिराखेको अवस्थामा माछा बोक्ने सिङ्गल क्याप बलेरो गाडी जमिन भासिएर बेपत्ता भएको थियो ।
© 2026 All right reserved to khabarcnter.com | Site By : Sobij
