२०८२ फाल्गुण ३० गते शनिवार
२०८२ फाल्गुण ३० गते शनिवार
मोरङ । सँगै शिकार खेल्न गएको साथीको हत्या गरेको अभियोगमा दुई जनालाई प्रहरीले पक्राउ गरेको छ ।
पक्राउ पर्नेहरूमा मोरङ केराबारी गाउँपालिका वडा नम्बर ३ बस्ने ३७ वर्षीय गजेन्द्र राई र २६ वर्षीय रुविन लिम्बु रहेका छन् । मोरङको इलाका प्रहरी कार्यालय बेलबारीबाट खटिएको टोलीले उनीहरूलाई नियन्त्रणमा लिएको हो ।
वैशाख ८ गते बिहान करिब ९ बजे हस्त बहादुर राई, गजेन्द्र राई र रुबिन लिम्बु घरबाट बाँसबारी खोप सरकारी राष्ट्रिय बन जङ्गल तर्फ शिकार खेल्न गएका थिए । जसमध्ये हस्तबहादुरको दाहिने कुममा गोली प्रहार भई हत्या भएको थियो ।
प्रहरीले घटनास्थलबाट एक थान भरुवा बन्दुक समेत बरामद गरेको थियो । प्रहरीको अनुसन्धानमा रातको समयमा गजेन्द्रले भरुवा बन्दुकको गली हानेर हत्या गरेको खुलेको छ ।
उनीहरू विरुद्ध ज्यान सम्बन्धी कसुर र र हातहतियार खरखजाना कसुरमा म्याद थप गरी अनुसन्धान भइरहेको प्रहरीले जानकारी दिएको छ ।
© 2026 All right reserved to khabarcnter.com | Site By : Sobij
