२०८२ चैत्र २ गते सोमवार
२०८२ चैत्र २ गते सोमवार
काठमाडौं । भारतस्थित नेपाली दूतावासले भारतको उडिसा राज्यस्थित किटमा अध्ययनरत नेपाली विद्यार्थी प्रिसा साहको मृत्युबारे किट विश्वविद्यालयसँग जानकारी लिएको छ ।
किटका प्रतिनिधिलाई दूतावासमै बोलाएर छलफल गरिएको दूतावासले विज्ञप्ति जारी गरेर जानकारी दिएको छ । किटमा स्नातक तह प्रथम वर्षमा अध्ययनरत १८ वर्षीय नेपाली विद्यार्थी प्रिसा साहको शव होस्टेलको कोठामा झुन्डिएको अवस्थामा फेला परेको थियो ।
नेपाली दूतावासले सो शैक्षिक संस्थाका प्रतिनिधिहरू, प्रहरी अधिकारीहरू, विदेश मन्त्रालयका अधिकृतलगायत अन्य सरोकारवालाहरूसँग तत्काल सम्पर्क तथा छलफल गरी घटनाको बारेमा जानकारी लिई सो घटनाको स्वतन्त्र एवं निष्पक्ष तवरले अनुसन्धान हुन तथा शैक्षिक संस्थामा अध्ययनरत सम्पूर्ण नेपाली विद्यार्थीहरूको सुरक्षाको प्रत्याभूति हुन जोड दिएको विज्ञप्तिमा उल्लेख गरीएको छ ।’
राजदूतावासले मृतकका परिवारसँग निरन्तर सम्पर्क गरिरहेको समेत उनले बताएका छन् ।
© 2026 All right reserved to khabarcnter.com | Site By : Sobij
