२०८२ चैत्र २ गते सोमवार
२०८२ चैत्र २ गते सोमवार
काठमाडौं । अख्तियार दुरुपयोग अनुसन्धान आयोगले उपत्यका विकास प्राधिकरणका एक अमिनविरुद्ध ३ करोड २९ लाख ४५ हजार ७ सय २ रुपैयाँ भ्रष्टाचार मुद्दा दायर गरेको छ ।
काठमाडौं अन्तर्गत बागमती नगर जग्गा एकीकरण आयोजना गौरीघाटमा करार पदमा कार्यरत दिनेश प्रसाद यादवविरुद्ध अख्तियारले विशेष अदालतमा भ्रष्टाचार मुद्दामा दायर गरेको छ ।
उजुरीको आधारमा यादवको २०६३ साल भदौ ८ गतेदेखि २०८१ साल असार ३० गतेसम्मको सम्पत्ति र आय–व्ययको अनुसन्धान गर्दा निजले ३ करोड २९ लाख ४५ हजार ७ सय २ रुपैयाँ २१ पैसाको गैरकानुनी सम्पत्ति आर्जन गरेकोछ ।
यादवले तलबी पारिश्रमिक, भत्ता, नागरिक लगानी कोष, आवास कर्जा, कृषि आम्दानी, सवारी र अचल सम्पत्ति बिक्री, सापटी तथा बैंकको ब्याजबाट कुल २ करोड ४२ लाख २० हजार ३०१ रुपैयाँ ३० पैसा देखिएको छ। यादवको आयभन्दा व्यय अत्यधिक भएको र गैरकानूनी रुपमा आर्जन गरिएको सम्पत्ति पुष्टि भएको आयोगले जानकारी दिएको छ ।
भ्रष्टाचार निवारण ऐन, २०५९ को दफा २० को उपदफा १ अनुसारको कसुरमा दोषी ठहर गर्दै दफा २०(२) बमोजिम सजाय माग गरेको छ ।
© 2026 All right reserved to khabarcnter.com | Site By : Sobij
